Soliq toʻlovchilarning QQS uzilishi koeffitsiyenti 2 barobarga kamaydi
Foto: Davlat soliq qo‘mitasi
Yil boshida soliq uzilish koʻrsatkichi respublika boʻyicha 0,37ni tashkil etgan edi. Joriy yilning 11 oyi davomida 51 365 ta tashkilotda soliq uzilishining bartaraf etilishi natijasida koeffitsiyent 0,19 ga tushdi.
Bugungi kunda QQS uzilish koeffitsiyenti:
60 196 ta (39 %) korxonada 0,40 gacha;
12 638 ta (8 %) korxonada 0,41 dan 0,60 gacha;
79 699 ta (53 %) korxonada 0,61 dan 1,00 gacha.
Eslatib oʻtamiz, QQS uzilish koeffitsiyenti soliq organlari tomonidan soliq toʻlovchilar kontragentlarini tanlash chogʻida lozim darajada ehtiyotkorlik qilishi uchun joriy qilingan.
Soliq uzilish koeffitsiyenti soliq toʻlovchilarning hisobvaraq-fakturalarida maʼlumot tariqasida aks etadi va QQS guvohnomasi vaqtincha toʻxtatilishiga va hisobga olingan soliq summasiga tuzatish kiritilishiga olib kelmaydi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring