Shtat qisqarganda ishda qolishda kimlarga ustunlik beriladi?

Shtat qisqarishi natijasida xodimlar ishdan boʻshatilganda malakasi va mehnat unumdorligi yuqoriroq xodimlar ishda qoldiriladi.

Malakasi va mehnat unumdorligi bir xil boʻlganda quyidagilarga afzallik beriladi:

— qaramogʻida 2 yoki undan koʻp kishi boʻlgan xodimlarga;

— oilasida mustaqil ish haqi oluvchi boshqa xodim mavjud boʻlmaganlarga;

— shu ish beruvchida uzoq muddat ish stajiga ega boʻlganlarga;

— malakasini oshirayotgan xodimlarga hamda oʻqishni tamomlagan shaxslarga;

— ushbu tashkilotda mehnatda mayib boʻlgan yoki kasb kasalligiga uchragan shaxslarga;

— nogironligi boʻlgan shaxslarga;

— 1941 – 1945-yillardagi urush qatnashchilariga va imtiyozlar boʻyicha ularga tenglashtirilgan shaxslarga;

— mehnatdagi yutuqlari uchun ragʻbatlantirishlarga ega va intizomiy jazolarga ega boʻlmagan xodimlarga;

— atom obyektlaridagi avariyalar oqibatida zarar koʻrgan shaxslarga.