Shahar boʻylab harakatlanishda ehtiyotkor boʻling — poytaxt hokimligi ogohlantirish bilan chiqdi
Bugun, 5-mart kuni Toshkent shahri hududida yogʻingarchilik va kuchli shamol boʻlishi kutilmoqda. Shu munosabat bilan poytaxt hokimligi shahar aholisi va mehmonlariga ogohlantirish bilan chiqdi.
Unda aytilishicha, ob-havo sharoitining yomonlashuvi sababli elektr simlarining uzilishi hamda zararlangan daraxtlarning qulashi kuzatilishi mumkin.
Hokimlik noqulay ob-havo sharoitida quyidagi ehtiyot choralarini koʻrishga chaqirgan:
- avtomobillaringizni daraxtlar va elektr uzatish liniyalari ostida qoldirmang;
- shahar boʻylab harakatlanishda ehtiyotkor boʻling;
- oʻzingizni, yaqinlaringizni va shaxsiy mulkingizni asrang.
Shuningdek, favqulodda vaziyatlar yuz bergan taqdirda, 112, 1055, (71) 212-69-80, (71) 212-69-82 telefon raqamlariga murojaat qilishlari eslatib oʻtilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring