Foto: Arxiv surat

2022-yilning 12-mart sanasida Turkmanistonda boʻlib oʻtgan prezident saylovining yakuniy natijalari eʼlon qilindi. Ovoz berishda roʻyxatdan oʻtgan 3 mln 460 ming 80 saylovchilarning 97,17 foizi yoki 3 mln 362 ming 053 nafar saylovchi ishtirok etdi.

Saylovda 9 ta nomzod ishtirok etdi. Ovoz berish natijalari nomzodlar boʻyicha quyidagicha:

Lebop viloyati moliya-iqtisodiyot oʻrta maktabi direktori Perxat Guvanchguliyevich Begendjov – 2,02%

Mari viloyat hokimi oʻrinbosari Agadjan Bekmuradov – 7,22 %

Turkmaniston Vazirlar Mahkamasi Raisi oʻrinbosari Serdar Gurbanguliyevich Berdimuxammedov - 72,97 %

“Awaza” sanatoriyasi bosh shifokori, Turkmaniston Mejlisi deputati Berdimammet Xanmamedovich Kurbanov – 2,22 %

“Wepaly gurluşyk” xoʻjalik jamoasi direktori Meredov Babamurat Tirkeshovich -1,08 %

Turkmaniston davlat jismoniy tarbiya va sport instituti ilmiy ishlar boʻyicha prorektori Xidir Kakabayevich Nunnayev – 11,09 %

Turkmaniston demkoratik partiyasi Toshhovuz viloyati Saparmurod Turkmanboshi etrapi qoʻmitasi rahbari Maksat Miradovich Odeshov 1,15 %

Axal viloyati Babadayxon etrapi sanitar-epidemiologik xizmati rahbari Maksatmurad Ashirgeldiyevich Ovezgeldiyev 1,16 %

Turkmaniston davlat energetika instituti “Qayta tiklanuvchi energiya manbalari” ishlab chiqarish markazi direktori Kakageldi Atajanovich Sariyev 1,09 % .

Turkmaniston Saylov kodeksining 76-moddasiga koʻra, Turkmaniston Markaziy saylov komissiyasining 2022-yil 14-martdagi qaroriga asosan Serdar Gurbanguliyevich Berdimuxammedov 72,97 % ovoz bilan Turkmaniston Respublikasi Prezidenti deb eʼlon qilindi.