Samarqandda karantinga olinganlar orasida hokim ham bor
Аrxiv foto
Payariq tuman hokimi Turkiyaga safari sababli karantinga olingan. Bu haqda tuman matbuot xizmati xabar bermoqda.
Maʼlum qilinishicha, Payariq tuman hokimi karantin eʼlon qilinmasidan avval Turkiyaga xizmat safari bilan borib kelgan. Fuqarolar esa tuman hokimi hozir qayerda, Turkiyadan keldimi, kabi murojaatlar bilan chiqishmoqda.
Taʼkidlanishicha, Oʻzbekiston Respublikasi Vazirlar Mahkamasining 2020-yil 23-martdagi 176-son qaroriga asosan, chet davlatlardan qaytgan fuqarolar 14 kun davomida uyda yoki maxsus belgilangan joyda izolyatsiya sharoitida boʻlish belgilab qoʻyilgan.
Shu munosabat bilan, bugungi kunda tuman hokimi D.Musinov karantinda boʻlib, sogʻligʻida hech qanday salbiy oʻzgarishlar yoʻq va karantin davri tugagandan soʻng yaqin kunlarda ish faoliyatini boshlashini maʼlum qilingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring