Qozogʻistonning Oqtau shahrida kuchli portlash yuz berdi
Foto: lada.kz
Qozogʻiston janubi-gʻarbidagi Oqtau shahridagi kafeda portlash sodir boʻldi. Oqibatda uning binosi butunlay vayron boʻldi.
Qozogʻiston favqulodda vaziyatlar vazirligi maʼlumotlariga koʻra, portlash 7-noyabr kuni kechqurun ikki qavatli «Ayanat» kafesida sodir boʻlgan. Natijada kafega tutash hududlar ham zarar koʻrgan.
«7-noyabr kuni mahalliy vaqt bilan soat 22:25 da Mangʻistau viloyati Favqulodda vaziyatlar boshqarmasiga Oqtau shahrida portlash sodir boʻlganligi haqida maʼlumot kelib tushdi», — deyiladi Favqulodda vaziyatlar boshqarmasi maʼlumotiga.
Dastlabki xabarlarga koʻra, jabrlanganlar haqida maʼlumot yoʻq. Portlash sababi oʻrganilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring