Qozogʻistonda ayrim oʻzbekistonlik haydovchilar harakatiga taqiq qoʻyildi
Qozogʻiston hududiga Rossiya va Oʻzbekiston orqali kirishda ayrim haydovchilarga taqiq qoʻyildi. Bunga hududda yoʻl harakati qoidalarini buzganlik uchun belgilangan jarimalar sabab boʻlgan. Bu haqda Oʻzbekiston Respublikasi Transport vazirligi maʼlum qildi.
Unga koʻra, taqiqqa uchragan fuqarolar Qozogʻistonning “Kaspi bank” onlayn tizimidagi “davlat xizmatlari” jarimalar qismida tayinlangan jarimani toʻlashi zarur. Shundan soʻng mazkur davlat mutasaddi tashkilotlari tomonidan qoʻyilgan cheklovni olib tashlash boʻyicha choralar koʻriladi.
“Hurmatli haydovchilar, yoʻl harakati qoidalariga qatʼiy amal qilib, ortiqcha ovoragarchiliklardan oʻzingizni xalos eting”, deyiladi xabarda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring