Foto: NUR.KZ

Qozogʻiston prezidenti Qosim-Jomart Toqayev mamlakatda kuzatilayotgan norozilik namoyishlari fonida 5—19-yanvar kunlari respublika poytaxtida favqulodda holat joriy qildi.

Taʼkidlanishicha, Nur-Sultonda favqulodda holat rejimi jamoat xavfsizligini taʼminlash, shuningdek, fuqarolarning huquq va erkinliklarini himoya qilish maqsadida joriy etilgan. Shu munosabat bilan shaharda soat 23:00 dan 07:00 gacha komendantlik soati amal boʻladi.

Eslatib oʻtamiz, avvalroq Qozogʻistondagi norozilik namoyishlari munosabati bilan Olmaota va Mangʻistau viloyatlarida favqulodda holat joriy etilgan edi.

Qozogʻistonda 2-yanvar, yakshanba kuni avtomobillar uchun gaz narxi litri uchun 60 tangadan 120 tengega oshishi munosabati bilan norozilik namoyishlari boshlandi. Namoyishchilar respublikaning birinchi prezidenti Nursulton Nazarboyevdan siyosatni tark etishni talab qilishdi. 

4-yanvar kuni namoyishchilar va xavfsizlik kuchlari oʻrtasida toʻqnashuvlar boshlandi. Mamlakatning boshqa shaharlarida ham tartibsizliklar boʻlib oʻtdi. Keyinroq Toqayev hukumat isteʼfosini qabul qildi. 

5-yanvar kuni Aqtoʻbeda olomon politsiya oʻrasini yorib oʻtib, Akimat (hokimiyat) binosiga bostirib kirdi. Chimkent va Tarazda ham maʼmuriy binolarga hujumlar uyushtirilgan.