Qoraqalpogʻistonda ayolni poyezd bosib ketdi
Illyustrativ foto
Qoraqalpogʻistonda temiryoʻlni belgilanmagan joydan kesib oʻtayotgan ayol poyezd bosib ketishidan halok boʻldi. Bu haqda “Oʻzbekiston temir yoʻllari” AJ matbuot xizmati xabar berdi.
Maʼlum qilinishicha, kecha, 22-yanvar kuni Gidrouzel va Nukus stansiyalari oraligʻida ayol kishi temir yoʻlni oʻtish uchun moʻljallanmagan joydan kesib oʻtmoqchi boʻlgan va ehtiyotsizligi oqibatida yoʻlovchi poyezdi ostiga qolib ketgan.
Bildirilishicha, hozirda masʼul xizmatlar hodisa tafsilotlarini tekshirmoqda.
“Jabrlanuvchi yoʻl harakati qoidalarini buzib, oʻz xavfsizligiga eʼtibor bermadi”, deyiladi xabarda.
Shu oʻrinda “Oʻzbekiston temir yoʻllari” AJ fuqarolarga temir yoʻllarni kesib oʻtishda belgilangan meʼyorlarga rioya qilish muhimligini eslatib oʻtgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring