Qirgʻizistonda viloyat va tumanlar tugatiladi
Qirgʻizistonda viloyat va tumanlar tugatilib, ularning oʻrnida 20 ta okrug tashkil etiladi. Bu haqda mamlakat prezidenti Sadir Japarov maʼlum qildi, uning soʻzlaridan 24.kg nashri iqtibos keltirmoqda.
Nookat tumani aholisi bilan uchrashuvda Japarov maʼmuriy islohotlarning ikkinchi bosqichi haqida gapirib berdi. U hozirda mamlakatda 44 ta tuman va 33 ta shahar borligini qayd etdi.
“Viloyat va tumanlar tugatiladi, 20 ta okrug qoladi — oddiyroq qilib aytganda, 20 ta viloyat boʻladi, biz shunga kelamiz. Lekin bunga hali vaqt bor, taxminan uch-toʻrt yil”, — dedi Qirgʻiziston prezidenti.
Sadir Japarovning soʻzlariga koʻra, dastlab boshqaruv tizimi qanday ishlashini koʻrish uchun ikki-uch yil muddatga sinov loyihasi sifatida bitta okrug tashkil etiladi.
“Asosiy mezon — ushbu okrug respublika dotatsiyasidan (davlat koʻmagidan) chiqa oladimi yoki yoʻqmi, shunga bogʻliq”, — deyiladi xabarda.
Agar loyiha muvaffaqiyatli deb topilsa, unda viloyat va tumanlar butunlay tugatilib, mamlakat okruglarga boʻlinadi.
Tavsiya etamiz
Ko‘p o‘qilganlar
- Oʻzbekiston Respublikasi xalq artisti Farrux Zokirov ijodini keng targʻib qilish hamda yosh avlodga munosib yetkazish toʻgʻrisida
- Zakirov Farrux Karimovichni “Buyuk xizmatlari uchun” ordeni bilan mukofotlash toʻgʻrisida
- Oʻzbekiston xalq artisti Farrux Zokirov sharaflandi
- Polsha bilan ikkinchi jahon urushi tarixi boʻyicha hamkorlik kengaytiriladi
- Eronda internet uzilishi 47 kundan beri davom etmoqda
- WSJ: Yevropa AQSHning NATOdan ehtimoliy chiqishiga qarshi zaxira mudofaa rejasini ishlab chiqmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring