Qirgʻiziston chegarasida yana mojaro kelib chiqdi
Qirgʻiziston va Tojikiston davlatlari chegarasida yana mojaro kelib chiqdi. Bu safar ham oʻqotar qurol ishga solingan. Bu maʼlumotni Qirgʻizistoni chegara qoʻshinlari tasdiqlagan.
Aniqlik kiritilishicha, ushbu voqea 2-iyundan 3-iyunga oʻtar kechasi Botken tumanining Eki-Tash hududida roʻy bergan. Tojikiston tomonidan nomaʼlum shaxslar Oʻsh-Isfara yoʻli boʻylab avtomobilda harakatlanayotgan qirgʻizistonlikka ov miltigʻidan bir necha bor oʻq uzishgan. U yaralangan va shifoxonaga yotqizilgan. Hodisa joyida militsiya xodimlari surishtiruv ishlarini olib borishmoqda.
Ayni paytda chegaraning ushbu hududidagi vaziyat barqaror ekanligi maʼlum qilingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring