Huquqni muhofaza qiluvchi organlar bilan hamkorlikda yoqilgʻi-energiya resurslaridan samarali foydalanish va ularni talon-toroj qilinishini oldini olish boʻyicha tizimli ravishda profilaktik va nazorat tadbirlari amalga oshirib kelinmoqda.

Shunga qaramay, ayrim isteʼmolchilar tomonidan ushbu resurslarni talon-toroj qilish holatlari hamon uchramoqda.

Misol uchun, 2023-yil mart oyi Navoiy viloyatida oʻtkazilgan nazorat tadbiri davomida Qiziltepa tumani, “Malikobod” MFY hududida joylashgan Kogon magistral gaz quvurlari boshqarmasiga qarashli “Xoʻja-Hasan” gaz taqsimlash stansiyasi sanoat kollektoriga oʻrnatilgan elektron gaz hisoblagichga tashqi taʼsir koʻrsatilgani maʼlum boʻldi.

Dastlabki hisob-kitoblarga koʻra, davlat manfaatlariga yetkazilgan umumiy zarar miqdori 14,1 mlrd soʻmni tashkil etgan.

Maʼlumot uchun, ushbu sanoat kollektori orqali tadbirkorlik subyektlariga qarashli 3 ta avtomobillarga gaz toʻldirish kompressor shoxobchasi va 3 ta issiqxona xoʻjaliklariga tabiiy gaz yetkazib beriladi.

Ushbu holat yuzasidan hozirgi kunda huquqni muhofaza qiluvchi organlar tomonidan dastlabki surishtiruv ishlari olib borilmoqda.