Oʻzbekistonning AQSHdagi elchixonasi xabariga koʻra, IGE faxriy prezidenti Oʻzbekiston tomoni bilan hamkorlikni yanada rivojlantirishdan manfaatdor ekanligini maʼlum qildi
Oʻzbekistonning AQSHdagi elchixonasi xabariga koʻra, IGE faxriy prezidenti Oʻzbekiston tomoni bilan hamkorlikni yanada rivojlantirishdan manfaatdor ekanligini maʼlum qildi. U diniy erkinlik, diniy taʼlim, radikalizmga qarshi kurashish, shuningdek, adliya tizimini mustahkamlash boʻyicha hamkorlikda tadbir va loyihalar oʻtkazishga tayyorligini bildirdi.
Bundan tashqari, K.Zeypl ikki davlat oʻrtasida konfessiyalararo muloqotni yoʻlga qoʻyish maqsadida Oʻzbekistondan pastor va imomlarning tashrifini tashkil etishni taklif qildi.
Eslatib oʻtamiz, Amerika NNT IGE 2000-yilda tashkil etilgan. Uning asoschisi AQSHning diniy erkinlik boʻyicha maxsus topshiriqlar boʻyicha birinchi elchisi Robert Sipldir. Maqsad Davlat departamenti va turli diniy tashkilotlar koʻmagida diniy erkinlikni targʻib qilish. Oʻzini dunyodagi barcha dinlarning tinch-totuv yashashi uchun sharoit yaratishga intiladigan institut sifatida koʻrsatadi.
Oʻzbekiston delegatsiyasining AQSHga tashrifi davom etmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring