Oʻzbekistonda yana bir jamgʻarma tashkil etiladi
Oʻzbekiston Respublikasi Prezidenti “Gʻalaba bogʻi” yodgorlik majmuasi faoliyatini tashkil etish chora-tadbirlari toʻgʻrisida"gi qarorni imzoladi.
Unda qayd etilishicha, Oʻzbekiston Respublikasi Mudofaa vazirligi, Madaniyat vazirligi, Oʻzbekiston Fanlar akademiyasi va Toshkent shahar hokimligining:
Mudofaa vazirligi huzurida yuridik shaxs maqomiga ega boʻlgan davlat muassasasi shaklidagi “Gʻalaba bogʻi” yodgorlik majmuasi faoliyatini Toshkent shahri, Olmazor tumani, Sagʻbon koʻchasi manzilida tashkil etish;
Majmua hududida Mudofaa vazirligining Maʼnaviyat va maʼrifat markazi, Axborot va ommaviy kommunikatsiyalar departamenti, Harbiy orkestrlar xizmati, Qurolli Kuchlar markaziy ashula va raqs ansamblini bepul foydalanish huquqi asosida joylashtirish;
Majmua huzurida yuridik shaxs maqomiga ega boʻlmagan “Gʻalaba bogʻi” yodgorlik majmuasini rivojlantirish jamgʻarmasini tashkil etish toʻgʻrisidagi takliflari maʼqullanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring