Islom taraqqiyot banki (IsDB) Boshqaruvchilar kengashining yillik yigʻilishi doirasida Iqtisodiy taraqqiyot va kambagʻallikni qisqartirish vazirining oʻrinbosari Ilhom Norqulov nega Oʻzbekistonda Islomiy moliyalashtirish toʻliq joriy etilmaganligi haqidagi savolga javob berdi.

Norqulov Prezident Shavkat Mirziyoyev har yili bu masalani parlamentga yuborishini va hukumat soʻnggi 5 yil davomida bu borada ish olib borganini taʼkidladi. Vazir oʻrinbosari bu nafaqat bank xizmatlari, balki murakkab tizim ekanligiga eʼtibor qaratdi. U islomiy bankni joriy etish imkoniyati haqida gapirar ekan, tizimning murakkabligidan tashqari, fuqarolarning tijorat banklariga ishonchini oshirish zarurligini taʼkidladi.

«Gap shundaki, mamlakat aholisining moliyaviy savodxonligi darajasi ancha past. Ehtimol, odamlar oddiy bank xizmatlari haqida nimadir bilishadi, lekin islomiy moliyalashtirish haqida deyarli maʼlumotga ega emas. Bu mavzu, ayniqsa, fintechning rivojlanishi sharoitida dolzarbdir. 

Muayyan salohiyatni yaratish va aholining moliyaviy savodxonligini oshirish zarur. Aholining moliyaviy savodxonligi oshishi bilan islomiy bank tizimini joriy etish ancha osonlashadi», - dedi Norqulov.