Oʻzbekiston U-20 qizlar terma jamoasi Osiyo kubogidagi ishtirokini yakunladi
Kecha, 11-aprel kuni futbol boʻyicha Tailandda oʻtkazilayotgan U-20 Osiyo chempionati musobaqasining chorak final oʻyinlari davom ettirildi. Kun doirasidan oʻrin olgan bahsda Oʻzbekiston U-20 qizlar terma jamoasi Xitoy termasi bilan kuch sinashdi.
Uchrashuv Xitoy yoshlar terma jamoasining 2:1 hisobidagi gʻalabasi bilan yakunlandi. Oʻyinda hisob 29-daqiqada Vu Yu Szya tomonidan ochildi. 42-daqiqada Yu Szya Si hisobni 2:0 koʻrinishiga keltirdi. Birinchi boʻlim shu hisob bilan yakunlandi.
Ikkinchi boʻlimning 69-daqiqasida Mehribon Egamberdiyeva hisobni qisqartirdi. Shu tariqa bahs 2:1 hisobida Xitoy termasining gʻalabasi bilan yakunlandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring