Oʻzbekiston Tashqi ishlar vaziri YXHT loyihalari koordinatori vazifasini bajaruvchi bilan hamkorlikni rivojlantirish istiqbollarini muhokama qildi
Kecha Oʻzbekiston tashqi ishlar vaziri Baxtiyor Saidov YXHTning mamlakatimizdagi loyihalari koordinatori vazifasini bajaruvchi, elchi Klemens Koyani qabul qildi.
“Yevropada xavfsizlik va hamkorlik tashkilotining Oʻzbekistondagi loyihalari koordinatori v.b. Elchi Klemens Koy janoblari bilan uchrashishdan mamnunmiz, deb yozdi Oʻzbekiston TIV rahbari oʻzining telegram-kanalida. – Hamkorligimizning bir qator dolzarb masalalarini koʻrib chiqdik va YXHT bilan har tomonlama aloqalarimizni yanada rivojlantirishga kelishib oldik”.
Eslatib oʻtamiz, avstriyalik tajribali diplomat Klemens Koya Shimoliy Makedoniyaning YXHTdagi raisligi tomonidan YXHTning Oʻzbekistondagi loyihalari koordinatori vazifasini bajaruvchi etib tayinlangan edi. Diplomatik xizmatda 34 yildan ortiq tajribaga ega. Ilgari u Skopeda YXHT missiyasi rahbari va Vena shahrida Avstriyaning YXHT huzuridagi doimiy vakili sifatida faoliyat yuritgan. 2017-yilda Avstriya prezidentligi davrida Doimiy kengashga rahbarlik qilgan. U Avstriyaning Belgrad va Lyublyanadagi elchisi ham boʻlgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring