Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
Oʻzbekiston armiyasi dunyo reytingida yuqoriladi. Bu haqida Mudofaa vazirligi xabar berdi.
Maʼlum qilinishicha, “Global Firepower” portali “Global Firepower Index-2026” dunyo armiyalari reytingini eʼlon qilgan. Unga koʻra, Oʻzbekiston Qurolli Kuchlari harbiy salohiyati boʻyicha Markaziy Osiyoda birinchi va dunyoning 145 mamlakati orasida 5 pogʻonaga balandlab, 53-oʻrinni egallagan.
Shuningdek, Markaziy Osiyo mamlakatlarining reytingi quyidagicha koʻrinish olgan:
- Qozogʻiston – 58-oʻrin;
- Turkmaniston – 78-oʻrin;
- Tojikiston – 100-oʻrin;
- Qirgʻiziston – 109-oʻrinni egalladi.
“Global Firepower Index-2026” reytingida dunyoning eng kuchli armiyasi sifatida AQSH yetakchilik qilmoqda. Undan keyingi, ikkinchi oʻrinni Rossiya egallagan. Xitoy esa uchinchi pogʻonada qayd etilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring