Oʻzaro janjal sabab xotinini pichoqlab oʻldirgan erkak qoʻlga olindi
Foto: Illustrativ
Ijtimoiy tarmoqlarda Andijon viloyati Oltinkoʻl tumanida yashovchi fuqaro turmush oʻrtogʻini pichoqlab oʻldirganligi haqida xabarlar tarqalgan edi. Mazkur holat yuzasidan Andijon viloyati Prokuraturasi izoh berdi.
Unga koʻra, joriy yilning 5-fevral kuni fuqaro S.M. shaʼriy nikohidagi turmush oʻrtogʻi J.M. bilan oʻzaro janjallashib qoladi. Oqibatda fuqaro S.M. xoʻjalik pichogʻi bilan nikohidagi J.M.ni qasddan oʻldirgan.
Ushbu holat yuzasidan Oltinkoʻl tumani prokuraturasi tomonidan S.M.ga nisbatan Jinoyat kodeksining 97-moddasi 1-qismi bilan jinoyat ishi qoʻzgʻatilgan va S.M. protsessual tartibda ushlanib, «qamoqqa olish« ehtiyot chorasi qoʻllanilgan.
“Jinoyat ishi boʻyicha olib borilayotgan tergov harakatlari alohida nazoratga olingan, tergov harakatlari davomida ishga oid barcha holatlar tekshirilib, qonuniy qaror qabul qilinishi taʼminlanadi”, — deyiladi Prokuratura xabarida.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring