“Oʻzagroservis” korxonalari moliyaviy sogʻlomlashtiriladi
Arxiv foto
“Oʻzagroservis” AJ korxonalarini moliyaviy sogʻlomlashtirishga doir qoʻshimcha chora-tadbirlar toʻgʻrisidagi Hukumat qarori qabul qilindi. Bu haqda “Huquqiy axborot” kanali maʼlum qildi.
Qarorga muvofiq, “Avtosanoat Agrotexservis” MCHJ ustav jamgʻarmasidagi “Oʻzavtosanoat” AJ dilerlik tashkilotlarining ulushi “Oʻzagroservis” AJning ustav jamgʻarmasiga beriladi.
Tuman “Agrotexservis MTP” MCHJlarining “Oʻzavtosanoat” AJ dilerlik tashkilotlari oldidagi kafillik shartnomalari asosida amalda toʻlangan qismi boʻyicha qarzdorliklari hisobdan chiqarildi.
“Oʻzagroservis” AJ mashina-traktor parklari “Oʻzagrotexsanoatxolding” AJning garov bilan taʼminlanmagan majburiyatlari boʻyicha kafilliklarini sugʻurta tashkilotlari polislariga almashtirish bilan bogʻliq sugʻurta xizmatlari haqi oʻz mablagʻlari hisobidan toʻlashi taʼminlanadi.
“Oʻzagroservis” AJ va “Oʻzagrolizing” AJning tuman “Agrotexservis MTP” MCHJ va “Agrotexservis MTP” MCHJlarining “Oʻzagrolizing” AJ va “Oʻzmashlizing” MCHJ oldidagi lizing toʻlovlari boʻyicha qarzdorliklarini toʻlash muddati 2021 yil 1 sentyabrgacha uzaytirildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring