Oktabr oyida 6 mln. 105 ming litr neft mahsulotlarining sifatsizligi aniqlandi
Energetika vazirligi huzuridagi “Oʻzenergoinspeksiya”ning nazorat-kimyo laboratoriyalari tomonidan neft mahsulotlari boʻyicha olib borilgan sifat nazorati tadbirlari davomida 91 holatda 6 mln 105 ming litr neft mahsulotlarining sifatsizligi aniqlanib, sotuvga chiqarilishining oldi olindi.
Inspeksiya tomonidan aniqlangan kamchiliklar tezda bartaraf etilishi boʻyicha masʼullarga koʻrsamalar berilib, ularning bajarilishi nazoratga olindi.
Maʼlumot oʻrnida, Oʻzbekiston Respublikasi Prezidentining 2020-yil 4-apreldagi “Neft-gaz tarmogʻining moliyaviy barqarorligini oshirish boʻyicha birinchi navbatdagi chora-tadbirlar toʻgʻrisida”gi PQ-4664-son qarorining 8-bandiga asosan, 2020-yil 1-maydan boshlab AI-80 markali avtomobil benzini va dizel yonilgʻisi chakana narxlarini davlat tomonidan tartibga solish bekor qilingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring