Foto: Unsplash

Xorijiy kompaniyalarning 2000 ga yaqin arizalari Rossiya bozorini tark etish uchun ushbu mamlakat rasmiylarining roziligini kutmoqda.

Bu haqda “Financial Times” (FT) manbalariga tayanib yozmoqda. Ular aktivlarini sotish uchun hukumatning xorijiy investitsiyalar boʻyicha komissiyasidan ruxsat olishlari kerak.

Ayni paytda Rossiyada yuridik shaxslarga ega va yiliga kamida 5 million dollar daromad oladigan 1400 ga yaqin xorijiy kompaniyalardan faqat 206 tasi oʻz aktivlarini toʻliq sotgan. Shu bilan birga, nashr maʼlumotlariga koʻra, komissiya uch oyda bir marta yigʻiladi va bitta majlisda yettitadan koʻp boʻlmagan arizalarni koʻrib chiqadi.

Avvalroq, Rossiya aktivlaridan chiqib ketmoqchi boʻlgan doʻstona norezidentlar endi byudjetga hissa qoʻshishlari kerakligi maʼlum boʻlgandi. Chet el investitsiyalarini nazorat qilish boʻyicha hukumat komissiyasi quyi qoʻmitasi majlisi bayonnomasidan koʻchirmada badal miqdori 90 foizdan ortiq chegirma bilan aktivning bozor qiymatining kamida 10 foizini tashkil etishi kerakligi koʻrsatilgan.

Oʻtgan yilning oktyabr oyida Rossiya Prezidenti tomonidan imzolangan farmonga koʻra, hukumat komissiyasi norezidentlarning mamlakatdagi moliyaviy tashkilotlarning bir foizdan ortiq ulushlari bilan bitimlarini maʼqullaydi.