Migratsiya agentligi Qozogʻistondagi oʻzbekistonliklarni ogohlikka chaqirdi
Tashqi mehnat migratsiyasi agentligi ob-havo sharoiti sabab Qozogʻistonda boʻlib turgan oʻzbekistonliklarga ogohlantirish bilan chiqdi.
Soʻnggi kunlarda Qozogʻiston hududlarida ob-havoning keskin sovishi natijasida yoʻllarda harakatlanish bilan bogʻliq qator noqulayliklar yuzaga kelmoqda.
Shuningdek, yaqin haftalar davomida ham sovuq havo harorati saqlanib qolishi sababli respublika darajasidagi avtoyoʻllarda harakatlanish cheklangan.
Shu munosabat bilan agentlik ushbu davlatda boʻlib turgan Oʻzbekiston fuqarolaridan yoʻllarda harakatlanishda barcha xavfsizlik qoidalariga qatʼiy rioya qilishni, xavfsiz transport vositalaridan foydalanishni, zarurat boʻlmaganda uzoq masofali yoʻllarda transport vositalarida harakatlanmaslikni soʻradi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring