Lukashenko Qozogʻistonga tashrif buyuradi
Belarus prezidenti Aleksandr Lukashenko 24-25-oktyabr kunlari rasmiy tashrif bilan Qozogʻistonga tashrif buyuradi. Bu haqda Belta manbasi xabar berdi.
Ikki davlat rahbari Nur-Sultonda muzokaralar oʻtkazishadi. Ularda oʻzaro savdo-iqtisodiy aloqalar, jumladan, qishloq xoʻjaligi, transport va logistika, neft-kimyo kompleksi va yuqori texnologiyalar sohasidagi hamkorlikni kengaytirish imkoniyatlari koʻrib chiqiladi.
Tomonlar, shuningdek, integratsiyaviy birlashmalar va xalqaro maydondagi munosabatlar, xalqaro kun tartibidagi masalalarni ham muhokama qilishadi.
Shu kunlarda Nur-Sultonda ikki davlat ishbilarmonlari ishtirokida biznes-forum ham tashkil etiladi. Ayni chogʻda Qozogʻiston poytaxtida Belarus elchixonasining yangi binosi ochilishi rejalashtirilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring