Лукашенко Қозоғистонга ташриф буюради
Беларусь президенти Александр Лукашенко 24-25 октябрь кунлари расмий ташриф билан Қозоғистонга ташриф буюради. Бу ҳақда Белта манбаси хабар берди.
Икки давлат раҳбари Нур-Султонда музокаралар ўтказишади. Уларда ўзаро савдо-иқтисодий алоқалар, жумладан, қишлоқ хўжалиги, транспорт ва логистика, нефть-кимё комплекси ва юқори технологиялар соҳасидаги ҳамкорликни кенгайтириш имкониятлари кўриб чиқилади.
Томонлар, шунингдек, интеграциявий бирлашмалар ва халқаро майдондаги муносабатлар, халқаро кун тартибидаги масалаларни ҳам муҳокама қилишади.
Шу кунларда Нур-Султонда икки давлат ишбилармонлари иштирокида бизнес-форум ҳам ташкил этилади. Айни чоғда Қозоғистон пойтахтида Беларусь элчихонасининг янги биноси очилиши режалаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг