Foto: “Xalq soʻzi”

Joriy yilda Xorazm viloyatida 19 nafar tashabbuskor tadbirkor tomonidan oʻz mablagʻlari va bank kreditlari hisobiga umumiy qiymati 3 mln AQSH dollariga teng boʻlgan 100 ta mikroavtobuslar xarid qilindi. Ularning 52 tasi Xitoyda ishlab chiqarilgan “JAC “, 4 tasi “FATON” va 44 tasi Rossiyada ishlab chiqarilgan “GAZEL-NEXT” rusumli mikroavtobuslardir. Bu avtoulovlar yordamida 6 ta yangi yoʻnalishlarda jamoat transporti qatnovi yoʻlga qoʻyildi. Natijada mavjud yoʻnalishlardagi qatnovlarning oraliq vaqti qisqarib, yoʻlovchilar uchun qulaylik yaratildi.

— Yangi avtotransport vositalarining keltirilishi natijasida yoʻlovchilar oqimi yuqori boʻlgan bir qator yoʻnalishlarda qatnovlar oraliq vaqti 15 daqiqadan 7 daqiqagacha qisqardi, — deydi Xorazm viloyati transport boshqarmasi boshligʻi Rahmatullo Boboyev. —Bundan tashqari 100 ta yangi ish oʻrinlari yaratildi.

Yaqinda viloyatimizga “COMFORT AUTO HAMKOR” MCHJ tomonidan umumiy qiymati 1 mln 104 ming AQSH dollariga teng boʻlgan 4 ta “YUTONG“ va     4 ta “ZHONGTONG” avtobuslari keltirildi. Mazkur avtobuslar Urganch-Toshkent-Urganch yoʻnalishida yoʻlovchilarga xizmat koʻrsatadi. Yoʻlovchilarga qulaylik yaratish maqsadida chiptalarni mobil ilova orqali xarid qilish va “Catering” xizmati ham yoʻlga qoʻyiladi.

                                                      Odilbek Odamboyev, “Xalq soʻzi”.