Keles koʻprigida avtomobillar harakati toʻxtatildi
Keles koʻprigi orqali avtotransport vositalarining harakatlanishi vaqtinchalik toʻxtatildi.
4R-4 «Toshkent sh. – Keles sh. –Qozoqkentsoy q. – M39» avtomobil yoʻli (820 km) Sariyogʻoch qishlogʻi shaxobcha avtomobil yoʻlida olib borilayotgan rekonstruksiya ishlari munosabati bilan, Keles yoʻli koʻchasi hamda Yuqori Koʻkterak koʻchalarini bogʻlovchi yoʻl oʻtkazgich (koʻprik) sunʼiy inshootida 2021-yil 23-may kuni soat 11-00dan taʼmirlash ishlari yakunlangunga qadar transport vositalari harakati vaqtinchalik toʻliq toʻxtatildi.
Ushbu yoʻnalishda harakatlanadigan avtomototransport vositalarining harakati vaqtinchalik tumanning Hasanboy qishlogʻi hududidan oʻtgan 4N-699 va 4K-702 avtomobil yoʻli orqali tashkil etildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring