Oʻzbekistonning Isroildagi elchixonasi ushbu mamlakatda boʻlib turgan oʻzbekistonliklarga ehtiyot choralarini koʻrishni tavsiya qildi.

Elchixona Isroildagi mavjud xavfsizlik vaziyati sabab quyidagi ehtiyot choralarini koʻrishni soʻragan:

• Isroilning ayrim hududlariga borishdan saqlaning;
• Isroil rasmiylari va Oʻzbekiston elchixonasi hamda rasmiy xabarlarini kuzatib boring. Isroil front orti qoʻmondonligi (Home Front Command)dan bildirishnoma va ogohlantirishlar olish uchun uning mobil ilovasi yoki veb-sayti orqali roʻyxatdan oʻting;
• Shaxsni tasdiqlovchi hujjatlar va Oʻzbekiston elchixonasining aloqa maʼlumotlarini doimo olib yuring. Favqulodda vaziyatlarda bu tezroq yordam olish imkonini beradi;
• Imkon qadar olomondan qoching va jamoat joylariga tashrif buyurishni cheklaning.

Shuningdek, yordam yoki maslahat kerak boʻlsa, Oʻzbekistonning Isroildagi elchixonasiga quyidagi aloqalar orqali murojaat qilish tafsiya etilgan:

• 03-672-2466
• 03-672-2371
• 03-758-5075
• 03-758-5076

Favqulodda va shoshilinch xabarlar uchun: 054-485-1397

Elektron pochta: il.uzembassy@mfa.uz