Haydovchilik guvohnomasini yangisiga almashtirish muddati uzaytirildi
Davlat xizmatlari agentligi eski haydovchilik guvohnomasini almashtirish muddati 3 oydan 1 yilgacha uzaytirilganini eslatib oʻtdi.
2021-yil 17-noyabrda “Milliy haydovchilik guvohnomasining hamda avtomototransport vositasi roʻyxatdan oʻtkazilganligi toʻgʻrisidagi guvohnomaning yangi namunalarini joriy etish chora-tadbirlari toʻgʻrisida toʻgʻrisida”gi Hukumat qaroriga oʻzgartirishlar kiritildi.
Unga muvofiq, eski haydovchilik guvohnomalari quyidagi muddatlarda yangisiga majburiy almashtirilishi belgilandi:
2010-yilgacha berilganlari – 2022-yil 31-martgacha;
2010 – 2012-yillarda berilganlari – 2022-yil 30-iyungacha;
2013 – 2015-yillarda berilganlari – 2022-yil 30-sentyabrgacha;
2015-yildan keyin berilganlari – 2022-yil 31-dekabrgacha.
Yuqoridagi muddatlargacha almashtirilmagan guvohnomalar haqiqiy emas deb hisoblanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring