Germaniya terma jamoasi Ganadan ustun keldi
Kecha, 30-mart kuni FIFA kunlaridan unumli foydalanayotgan terma jamoalar oʻrtoqlik oʻyinlarini davom ettirishdi. Kun doirasidan oʻrin olgan bahsda Germaniya terma jamoasi Shtutgart shahrida Gana termasi bilan kuch sinashdi.
Uchrashuv 2:1 hisobida Yurgen Nagelsmann shogirdlarining gʻalabasi bilan yakunlandi. Oʻyinda hisob 45+3 daqiqada Kay Havers tomonidan ochildi. Birinchi boʻlim shu hisob bilan yakunlandi.
Ikkinchi boʻlimning 70-daqiqasida Issaxaku Fatavu hisobni tenglashtirdi. 89-daqiqada esa Deniz Undav nemislarga gʻalaba keltirgan golga mualliflik qildi.
Shu tariqa oʻyin Germaniya terma jamoasining gʻalabasi bilan yakunlandi. Maʼlumot uchun, Germaniya terma jamoasi Jahon chempionatining guruh bosqichida Kyurasao, Kot-dʼIvuar va Ekvador terma jamoalari bilan bitta guruhdan oʻrin olgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring