General Motors “Spark” ishlab chiqarishni toʻxtatadi
Foto: Arxiv surat
2022-yilda General Motors “Spark” avtomobillarini ishlab chiqarishni toʻxtatadi. Bu haqda Motor Media Review xabar berdi.
Modelning konveyerdan olib tashlanishining rasmiy sababi oshkor etilmagan. Mutaxassislarning fikricha, “Spark” zamonaviy davr uchun ahamiyatsiz. Savdolarning pasayishi ham rol oʻynadi: 2021-yilda sotuvlar 25% ga kamaydi.
“Spark” ishlab chiqarish 2022-yil avgustigacha davom etadi, shundan soʻng u modellar qatoridan “bosqichma-bosqich” chiqishni boshlaydi. Jarayon tugagandan soʻng, GM konsernining eng hamyonbop avtomobili Chevrolet Trax krossoveri boʻladi, u chiqadigan “Spark” oʻrnini egallaydi.
Shu bilan birga, UzAuto matbuot xizmati GMning avtomobilni bozordan olib qoʻyish qaroriga hozircha izoh bermadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring