Futbol boʻyicha Ispaniya chempionati ham koronavirus tufayli toʻxtatilishi mumkin
Ispaniya professional futbolchilar assotsiatsiyasi mamlakat chempionatini toʻxtatishni talab qildi. Bu haqda UzReport.uz xabar berdi.
Avvalroq, koronavirus infeksiyasini tarqalishini oldini olish maqsadida barcha oʻyinlar muxlislarsiz oʻtkazilishi boʻyicha qaror qabul qilingandi.
Kasaba uyushmasi barcha oʻyinlarni qoldirishni soʻramoqda.
“Biz vaziyatdan kelib chiqib futbolchilarning sogʻligʻidan xavotirga tushgan holda shunday talab qoʻyyapmiz“, — deyiladi kasaba uyushmasi bayonotida.
Chempionatni toʻxtatish boʻyicha talabnoma Ispaniya futbol federatsiyasiga yuborilgan.
Avvalroq, koronavirus tufayli Italiya A seriyasi oʻyinlari nomaʼlum muddatga toʻxtatilgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring