Fargʻonada erkak oʻgʻrilik qilish maqsadida birovning uyiga kirib, homilador ayolni pichoqlagan
Ijtimoiy tarmoqlarda Fargʻona viloyatida homilador ayolning shafqatsizlarcha oʻldirilgani haqida maʼlumot tarqaldi. Bosh prokuratura hodisa yuzasidan izoh berdi.
Maʼlumotlarga koʻra, shu yilning iyun oyida Fargʻona viloyati Yozyovon tumanida nomaʼlum erkak uyga oʻgʻirlik qilish maqsadida kirib kelgan. Bu vaqtda uyda homilador ayol boʻlgan. Oʻgʻri homilador ayolni koʻrgan va unga pichoq sanchgan. Oqibatda ayol kasalxonada vafot etgan.
23-iyun kuni Yozyovon tuman prokuraturasi Jinoyat kodeksining 97-moddasi (qasddan odam oʻldirish) va 164-moddasi (talonchilik) bilan ish ochgan edi.
Keyinchalik huquqni muhofaza qilish organlari xodimlari gumonlanuvchini topib, uni hibsga olgan.
Joriy yilning 16-sentabrida ish Jinoyat ishlari boʻyicha Fargʻona viloyat sudiga oʻtkazildi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring