Eksperimental notarial idoralar tashkil etiladi
Farmonga koʻra, 2020-yil 1-yanvargacha Qoraqalpogʻiston Respublikasi, viloyatlarda kamida 2 tadan va Toshkent shahrida kamida 5 ta eksperimental notarial idora tashkil etiladi.
Ushbu idoralarda quyidagilar joriy etiladi:
mol-mulkni tasarruf etish bilan bogʻliq boʻlmagan bitimlarni tasdiqlash, ijro xatlarini yozish, hujjatlarning bir tildan boshqa tilga toʻgʻri tarjima qilinganligini shahodatlash elektron raqamli imzodan foydalangan holda rasmiylashtiriladi;
arizalar elektron raqamli imzodan foydalangan holda hamda videokonferensaloqa orqali rasmiylashtiriladi.
Masofadan turib xizmat koʻrsatilganda rasmiylashtirilgan hujjatlarni mijozga kuryer xizmati orqali yetkazib berish imkoniyati yaratiladi.
2024-yil 1-yanvarga qadar notarial arxivda saqlanayotgan koʻchmas mulkka boʻlgan huquqni vujudga keltiruvchi bitimlar raqamli koʻrinishga oʻtkaziladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring