Dunyoning 30 foiz aholisi hali ham koronavirusga qarshi vaksinaning birinchi dozasi bilan emlanmagan — JSST
Foto: Sog'liqni saqlash vazirligi matbuot xizmati
Sayyoramizda epidemiologik vaziyat barqarorlashgani yoʻq. Koronavirus hanuz ogʻir asoratlarga sabab boʻlmoqda. Jahon sogʻliqni saqlash tashkiloti eksperti Mariya van Kerxovening taʼkidlashicha, haftasiga 8-10 ming kishi COVID-19 qurboniga aylanyapti.
Mutaxassis xulosasiga koʻra, bu holat odamlarning emlanishga yetarlicha eʼtibor qaratmayotgani bilan bogʻliq. Masalan, Yer yuzi aholisining 30 foizi hali ham vaksinaning birinchi dozasini olmagan.
Vaholanki, jahonda yashovchilarning kamida 70 foizi toʻliq bosqichda emlanmagunicha global maqsadlarga erishish imkonsiz.
Hozir dunyoda “omikron” shtammining 500 dan ortiq subvariantlari mavjud va koronavirus mutatsiyasi yana davom etmoqda. Demak, xotirjamlikka berilishga hali erta va emlanish uchun kech emas.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring