Toshkentda odam savdosi bilan bogʻliq jinoyatning oldi olindi
Davlat xavfsizlik xizmati Toshkent shahar boʻyicha boshqarmasi va poytaxt Ichki ishlar bosh boshqarmasi xodimlari hamkorligida oʻtkazilgan tezkor tadbirda odam savdosi bilan bogʻliq holat fosh qilindi. Bu haqida “Xavfsizlik” Telegram-kanali xabar berdi.
Maʼlum qilinishicha, Toshkent viloyatining Yangiyoʻl shahrida yashovchi, 1982-yilda tugʻilgan ayol Chinoz tumanida istiqomat qiluvchi, 2000-yilda tugʻilgan qizni xorijga olib borib, jinsiy ekspluatatsiya qilishni rejalashtirgan.
Ushbu shaxs oʻz maqsadiga erishish uchun jabrlanuvchiga aviachipta xarid qilib berib, keyinchalik ishlab topadigan mablagʻining yarmini doimiy ravishda berishini talab qilgan.
Tezkor tadbir natijasida gumonlanuvchi ayol jabrlanuvchi bilan birga Toshkent xalqaro aeroportidan Istanbul shahriga uchib ketmoqchi boʻlgan vaqtida toʻxtatib qolingan.
Hozirda yangiyoʻllik ayolga nisbatan Jinoyat Kodeksining 135-moddasi (odam savdosi) bilan jinoyat ishi qoʻzgʻatilib, tergov harakatlari olib borilmoqda.
Tavsiya etamiz
Ko‘p o‘qilganlar
- Oʻzbekiston Respublikasi xalq artisti Farrux Zokirov ijodini keng targʻib qilish hamda yosh avlodga munosib yetkazish toʻgʻrisida
- Zakirov Farrux Karimovichni “Buyuk xizmatlari uchun” ordeni bilan mukofotlash toʻgʻrisida
- Oʻzbekiston xalq artisti Farrux Zokirov sharaflandi
- Polsha bilan ikkinchi jahon urushi tarixi boʻyicha hamkorlik kengaytiriladi
- Eronda internet uzilishi 47 kundan beri davom etmoqda
- WSJ: Yevropa AQSHning NATOdan ehtimoliy chiqishiga qarshi zaxira mudofaa rejasini ishlab chiqmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring