Davron Hidoyatov Senat aʼzoligiga saylandi
Toshkent davlat agrar universitetida viloyatda boʻshab qolgan oʻringa Oʻzbekiston Respublikasi Oliy Majlisi Senati aʼzosi saylovini oʻtkazish boʻyicha qoʻshma majlis boʻlib oʻtmoqda.
Sanoq komissiyasi xulosasiga koʻra, qoʻshma majlisda 535 ta deputat ishtirok etib, ovoz berish jarayonlariga 531 kishi qatnashdi. Shundan 4 ta saylov blyuteni haqiqiy emas, deb topildi, 9 ta blyutendan foydalanilmadi.
Qoʻshma majlisda ovoz berishda ishtirok etgan deputatlarning 518 nafari Davron Hidoyatovni yoqlab ovoz bergani maʼlum qilindi. Shunday qilib, viloyat hokimi mutlaq koʻpchilik ovoz bilan Oliy Majlis Senati aʼzosi etib saylandi.
Qoʻshma yigʻilishda D. Hidoyatov soʻz olib, bildirilgan ishonch uchun xalq vakillariga minnatdorlik bildirdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring