“ChatGPT” dunyo boʻylab ishlamay qoldi
“OpenAI” kompaniyasining “ChatGPT 4” sunʼiy intellekti dunyo boʻylab ishlamay qoldi. Jahondagi koʻplab foydalanuvchilar hozirda chatbotning ishlamayotganidan shikoyat qilmoqda.
Koʻpchilik foydalanuvchilar ayni paytda oʻz savollarini muloqot oynasiga yozishlari mumkin, biroq kirish tugmasi javob bermayapti. Bundan tashqari, veb-saytda avvalgi chatlarga kirish imkoni yoʻq.
Uzilishlarni kuzatuvchi “DownDetector” veb-saytiga koʻra, sunʼiy intellekt chatboti bilan bogʻliq muammolar haqida xabarlar Toshkent vaqti bilan soat 11:30 atrofida paydo boʻlgan.
Muammo 3 soatdan beri bartaraf etilganicha yoʻq. Kompaniya tuzatish choralarini koʻrayotganini maʼlum qildi, ammo hozircha natijaga erishilmagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring