Bu yil Haj ziyorati boʻlmaydimi?
Saudiya Arabistoni haj va umra vaziri Muhammad Solih Bantan bu yil haj ziyoratini amalga oshirmoqchi boʻlganlarni bu borada shoshilmay turishga chaqirdi. Bu haqda “Yevronyus” xabar bermoqda.
“Ayni paytda koronavirus bilan bogʻliq vaziyatni kuzatyapmiz. Vaziyat yaxshilangan payt ziyoratga kelmoqchi boʻlganlarga xabar beramiz”, – dedi vazir davlat televideniyesidagi chiqishida.
Avvalroq, Saudiya Arabistoni hukumati bu yil haj bekor boʻlgani haqida tarqalgan xabarlar haqiqatga toʻgʻri kelmasligini maʼlum qilgan edi.
Hukumat koronavirusga qarshi kurash doirasida Makka, Madina, Riyoz va yana bir qator hududlarga kirish hamda chiqishlarni taqiqladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring