Bolalarni birinchi sinfga qabul qilish sanasi eʼlon qilindi
Oʻzbekistonda 2026/2027-oʻquv yili uchun birinchi sinfga qabul qilish 20-iyundan boshlanadi.
Qabul jarayoni Yagona interaktiv davlat xizmatlari portali (YIDXP) yoki Maktabgacha va maktab taʼlimi vazirligining elektron xizmatlar portali orqali amalga oshiriladi va u ikki bosqichda oʻtadi:
Birinchi bosqich: 20-iyundan 31-iyulgacha — mikrohudud doirasida;
Ikkinchi bosqich: 1-avgustdan 31-avgustgacha — mikrohududdan tashqarida.
Qabul davlat xizmatlari orqali amalga oshiriladigan tuman va shaharlar soni 64 tadan 135 taga, maktablar soni esa 1 956 tadan 5 689 taga yetkazildi.
Qonunchilikka muvofiq, birinchi sinfga oʻquv yili davomida yetti yoshga toʻladigan bolalar qabul qilinadi. 2026/2027-oʻquv yilida 2019-yilning 31-dekabrigacha tugʻilgan bolalar maktabga chiqishlari mumkin boʻladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring