BMTTD rahbari Oʻzbekistondagi missiyasini yakunladi
Oʻzbekiston tashqi ishlar vaziri Baxtiyor Saidov kecha mamlakatimizdagi missiyasini yakunlayotgan BMTTD doimiy vakili Matilda Dimovskani qabul qildi.
“Taraqqiyot dasturining Oʻzbekistondagi doimiy vakili Matilda Dimovska xonim bilan xayrlashuv uchrashuvini oʻtkazdik, — deb yozdi Oʻzbekiston TIV rahbari oʻzining telegram kanalida. — BMTTD bilan yaqin hamkorlik va aniq natijalarga erishishga qoʻshgan hissasi uchun oʻz minnatdorchiligimizni bildiramiz. Oʻzbekiston Barqaror rivojlanish maqsadlariga erishishga sodiqdir”.
Eslatib oʻtamiz, 2019-yil mart oyidan beri Matilda Dimovska BMTTDning Oʻzbekistondagi doimiy vakili lavozimida ishlab kelayotgan edi. U “Dunyo” AA internet-resurslarida Oʻzbekistonda amalga oshirilayotgan keng koʻlamli islohotlarni qoʻllab-quvvatlab, bir necha bor chiqish qilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring