AQSH Ukraina bilan qiruvchi samolyotlar yetkazib berish masalasini muhokama qilayotganini tasdiqladi
Foto: Reuters
AQSHning BMTdagi vakili Ukrainaga qiruvchi samolyotlar yetkazib berilishi mumkinligi haqidagi savolga javob berdi.
AQSHning BMTdagi elchisi Linda Tomas-Grinfildning aytishicha, Vashington Kiyevning qurolga muhtojligini muntazam muhokama qiladi.
“Biz ukrainaliklar bilan yaqindan va toʻgʻridan-toʻgʻri hamkorlik qilib, ularga nima va qachon kerakligini aniqlash hamda ular biz taqdim etgan qurol tizimlaridan foydalanishga oʻrgatilganligiga ishonch hosil qilish uchun ishlayapmiz. Bu munozaralar davom etmoqda”, dedi Tomas-Grinfild.
Shuningdek, u AQSH Ukrainaga qiruvchi samolyotlarni topshirishni istisno qiladimi, degan savoliga javob berdi.
Tomas-Grinfild oʻz javoblarida jangovar mashinalarni tilga olmagan. Ammo u Ukrainaga yerda foydalanish va texnik xizmat koʻrsatish mumkin boʻlmagan tizimlarni taqdim etishda yordam bermasligini aytgan.
Doimiy vakilning soʻzlariga koʻra, Qoʻshma Shtatlar Ukrainani qoʻllab-quvvatlashdan voz kechish niyatida emas va zaruriy harbiy imkoniyatlar haqida munozaralar davom etmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring