Andijondagi koʻp qavatli uylardan birida portlash yuz berdi. Jabrlanganlar bor (+video)
Videodan kadr
Andijon viloyatining Andijon shahridagi koʻp qavatli aholi yashash xonadonlarining birida portlash sodir boʻldi. Bu haqda viloyat Favqulodda vaziyatlar boshqarmasi xabar berdi.
Maʼlum qilinishicha, kecha, 11-fevral kuni soat 23:55 da 112 tizimi orqali Andijon shahri “Nodirabegim” MFY hududida joylashgan koʻp qavatli aholi yashash xonadonlarining birida havo-gaz aralashmasining chaqnashi sodir boʻlgani toʻgʻrisida FVBga xabar kelib tushgan.
Xabarga asosan viloyat FVB rahbariyati va qutqaruv boʻlinmalari voqea joyiga yetib borgan. Chaqnashdan soʻng yongʻin kelib chiqmagan va boshqa xonadonlarga zarar yetmagan. Chaqnash oqibatida 2 nafar fuqaro tan jarohati olgan.
Xabarlarga koʻra, voqea joyiga FVB masʼullaridan tashqari viloyat hokimi Shuhrat Abdurahmonov ham yetib borgan va vaziyatni koʻzdan kechirgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring