Andijonda fuqaroning yashash uyida yongʻin yuz berdi
Videodan kadr
Andijon viloyati Asaka tumanida joylashgan xonadonlaridan birida yongʻin yuz berdi. Viloyat Favqulodda vaziyatlar boshqarmasi hodisa yuzasidan maʼlumot berdi.
Qayd etilishicha, bugun, 28-iyul kuni soat 18:21 da Asaka tumani Neʼmatobod MFY Yangiobod koʻchasida joylashgan fuqaro S.A.ning yashash xonadonida yongʻin sodir boʻlayotgani haqida 112 tizimi orqali viloyat FVBga xabar kelib tushgan.
Xabarga asosan soat 18:26 da yongʻin-qutqaruv ekipajlari aytilgan manzilga yetib borgan va soat 18:54 da alangani batamom oʻchirgan.
Aniqlanishicha, yongʻin oqibatida aholi yashash xonadonining 70 kvadrat/metr maydonda tom qismi yonib zararlangan.
Hozirda yongʻinning kelib chiqish omillari va yetkazilgan moddiy zarar miqdori aniqlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring