Andijonda bobo va nevara suvga choʻkib ketdi
Joriy yilning 16-dekabr kuni Andijon viloyatining Baliqchi tumanida baxtsiz hodisa tufayli ikki kishi halok boʻldi. Bu haqda “Postda” gazetasi xabar berdi.
Qayd etilishicha, shu tumanda yashagan, 2002-yilda tugʻilgan Z. K. oʻz joniga qasd qilib, uyi oldidan oqib oʻtuvchi “Qoradaryo” kanaliga oʻzini tashlagan vaqtda buni 65 yoshli bobosi koʻrib qolgan. Nevarasini qutqarish uchun u ham suvga tushgan. Lekin oqim kuchliligi va suvning sovuqligi vaziyatni yana-da ogʻirlashtirgan. Nevaraga qoʻshilib, bobo ham choʻkib ketgan.
Jasadlarni suvdan qidirib topish choralari koʻrilgan. Surishtiruvni prokuratura olib bormoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring