Andijonda 10-sinf oʻquvchisi YTH sodir etdi
Foto: Andijon viloyati YHXB
Andijon viloyati Andijon tumanida voyaga yetmagan, 17 yoshli yigit qarindoshining mashinasida yoʻl-transport hodisasi sodir etdi. Bu haqda viloyat Yoʻl harakati xavfsizligi boshqarmasi xabar berdi.
Qayd etilishicha, voqea kecha, 15-may kuni soat 13:45 larda Andijon tumani “Qoraqolpoq” MFY Iftixor koʻchasida yuz bergan. 2008-yilda tugʻilgan (voyaga yetmagan) A.M. qarindoshiga tegishli boʻlgan “Spark” rusumli avtomashinasini boshqargan.
Harakat davomida u tezlikni meʼyoridan ortiq oshirib yuborishi ortidan rul boshqaruvini yoʻqotgan, shundan soʻng mashina agʻdarilib ketgan.
YTH oqibatida hech kimga tan jarohati yetgan, biroq avtomashina texnik shikastlangan.
Hozirda mazkur holat yuzasidan Andijon tumani IIB YHXG masʼul xodimlari tomonidan surishtiruv ishlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring