“Al-Nasr” jamoasi ishonchli gʻalabaga erishdi
Kecha, 11-aprel kuni futbol boʻyicha Saudiya Arabistoni Professional ligasining 28-turidan oʻrin olgan bahslar davom ettirildi. Kun doirasidan oʻrin olgan bahsda Krishtianu Ronaldu boshchiligidagi “Al-Nasr” jamoasi safarda “Al-Ohdod” jamoasi mehmoni boʻldi.
Uchrashuv “riyadliklar”ning 2:0 hisobidagi gʻalabasi bilan yakunlandi. Oʻyinda hisob 15-daqiqada Krishtianu Ronaldu tomonidan ochildi. Taʼkidlash joizki, bu Ronalduning faoliyati davomidagi 968-gol boʻldi. Birinchi boʻlim shu hisob bilan yakunlandi.
Ikkinchi boʻlimning 47-daqiqasida Joau Feliks hisobni 0:2 koʻrinishiga keltirdi. Shu tariqa “Al-Nasr” klubi muhim oʻyinda muhim gʻalabani qoʻlga kiritdi.
Jamoa musobaqadagi keyingi oʻyinini 15-aprel sanasida “Al-Ettifoq” klubiga qarshi oʻtkazadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring