Жорий йил куз-қиш мавсумига тайёргарлик доирасида 722 дона трансформатор мукаммал таъмирланди
Бу ҳақда АОКАда ўтказилган брифингда “Ҳудудий электр тармоқлар” АЖ ахборот хизмати раҳбари Фахриддин Нуралиев маълум қилди.
2023-2024 йиллар куз-қиш мавсумига тайёргарлик бўйича Жамиятда Марказий штаб ҳамда ҳудудларда вилоят, шаҳар ва туман штаблари ташкил этилди.
Айни пайтда соҳада 24 соатлик иш режимига ўтказилди. Ҳудудларда 6 300 дан ортиқ ходимдан иборат 1 429 та туну-кун фаолият юритадиган авариявий бригадалар навбатчилиги ташкил этилиб, 1 340 та махсус авто ва техникалар бириктирилди.
Бугунга қадар Жамият томонидан режага асосан 29,6 минг километр тармоқ ҳамда 10,2 мингта трансформаторлар мукаммал таъмирланган бўлса, 6 554 км ҳамда 1 925 та трансформатор янгиланди.
Шу билан бир қаторда жорий йилнинг якунига қадар яна 1 минг километр тармоқ, 320 та трансформаторда якунлаш ишларини амалга оширилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг