Жо Байденнинг рейтинги рекорд даражада тушиб кетди
Фото: Reuters
"FiveThirtyEight" веб-сайтидаги сўровлар агрегатори АҚШ президенти Жо Байден маъмуриятини маъқулламаган америкаликлар 51,7 фоизга етганини тахмин қилди.
"Rasmussen Reports" социологик хизмати веб-сайтида эса Жо Байденнинг яна бир антирекорди ҳақида хабар берилди. Унга кўра, жорий йилнинг 16 ноябрь куни биринчи марта амалдаги маъмуриятни истисносиз қўллаб-қувватлаганлар 20 фоизга, қўллаб-қувватламаганлар кўрсаткичи эса 50 га тенг бўлган.
Жо Байден 2021 йилнинг январидан бери АҚШ президенти лавозимида ишлаб келмоқда. Дастлаб унинг антирейтинги 35 фоиздан паст эди. Бироқ август ойи охирига келиб Оқ уй сиёсатини маъқуллаган фуқаролар сони маъқулламаганлардан камайиб кетди.
Таққослаш учун, Байдендан олдинги АҚШ етакчиси Доналд Трампнинг антирейтинги 2017 йил 16 ноябрида – унинг президентлигининг биринчи йилида 55,5 фоизни, ундан аввалги Оқ уй раҳбари Барак Обаманики эса 2009 йил ноябрь ойи ўрталарида 44 фоизни ташкил қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг