Жо Байден президентлик сайловидан чиқиши ҳақида гапирди
Фото: AP
АҚШ президенти Жо Байден агар шифокорлар унинг соғлиғида муаммо борлигини аниқласа, президентлик пойгасидан чиқишини таъкидлади. Бу ҳақда у «BET» нашрига берган интервьюсида айтиб ўтди.
«Менда қандайдир касаллик бўлса, кимдир, шифокорлар келиб, сизда фалон муаммо бор, дейишарди», деди у президентлик пойгасини тарк этиш ҳақида гапирар экан.
«Очиғини айтсам, менимча, қарилик фақат донолик келтиради», — дея қўшимча қилди Байден шу ўринда.
Байден аввалроқ, агар Худо буни буюрса, сайловолди пойгасидан чиқишини айтган эди.
Шу йилнинг 27 июнь куни Жоржия штатининг Атланта шаҳрида Байден ва унинг асосий сиёсий рақиби республикачи Дональд Трамп ўртасида теледебат бўлиб ўтди. CNN экспресс сўровига кўра, баҳсни томоша қилган томошабинларнинг учдан икки қисми Трамп ғалабасини қайд этган.
АҚШда президентлик сайловлари 5 ноябрь куни бўлиб ўтади. Иккинчи муддатга номзодини қўйган Байден Демократик партиядан етарли миқдордаги делегатнинг қўллаб-қувватлашига эришди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг